Garòs
Descripcion
Eth pòble de Garòs (134 abitants) plaçat a 1.115 m de nautada ei eth limit entre eth Naut Aran e eth Miei Aran. Eth pòble s’enlaire un shinhau sus era val, ara drèta deth Garona, entre es barrancs de Cau e de Salidèr.
Era glèisa parroquiau de Sant Julià, que centre eth nuclèu antic ei d’origina romanica, mès siguec reformada a hons en sègle XV. Eth campanau date d’eth 1.619, e pes “sues dimensions” semble ua torre de defensa.
Er autar major ei barròc (an 1.774), conserve un interessant Crist de talha, ua imatge de Maria gotica e ua crotz processionau d’argent.
Eth cementèri demore barrat per ua rèisha de fòrja reneishentista. Ei un pòble ludent e fòrça agradiu, e aufrís variada aufèrta de restaurants, hotèls e cases ruraus. Hestège era hèsta major eth 16 d’agost per Sant Calhau e eth 28 d’agost per Sant Julià.