Er Ajuntament de Naut Aran a estreat ua pagina web toristica damb era que preten qu’es visitants deth municipi e d’autes persones que non coneishen aguest territòri poguen hè’c d’ua forma interactiva e diferenta. Eth ligam entà accedir ad aguesta naua pagina ei eth de www.visitnautaran.com e actuauments se trape enes idiòmes de castelhan, catalan, anglés e francés, principaus visitants dera zòna.
Laguens dera naua web, se poderà trobar es principaus atractius damb es que compde damb Naut Aran damb accès as diferentes pestanhes en aguest espaci coma poderie èster es sòns pòbles, glèises, distincions coma Es Pòbles mès Polidi d’Espanha, Viles Florides, Viles Termaus, atau coma lotjaments enes que descansar o d’autes aufèrtes restacades damb eth territòri.
Eth baile de Naut Aran, César Ruiz-Canela, destaque que “toti es grani endrets toristics compden damb ua pagina web toristica e credíem qu’eth nòste municipi, referent en fòrça encastres, meritaue un espaci en que poder promòir-se tant a nivèu nacionau coma internacionau. Pensam qu’aguesta naua web mos aportarà mès visibilitat e sustot era oportunitat que fòrça persones mos poguen arribar a conéisher
Aguesta pagina ei frut deth trabalh de diuèrsi ans enes qu’es atractius deth municipi de Naut Aran non an parat de créisher damb eth pas deth temps, sustot a nivèu esportiu e de rotes de senderisme entà tota era familha.