Impressionanta acuelhuda era dera conferéncia hèta per Silvia Congost ena glèisa dera Mair de Diu des Nhèus en Baqueira. Mès de dues centes persones participèren d’aguesta exposicion vinculada ara autoestima ena que reflexionèrem fòrça sus era relacion damb nosati madeishi e damb es autes persones.
Segontes diuèrsi vesins deth municipi e d’auti visitants, er emplaçament escuelhut ère sensacionau pr’amor que fòrça d’eri non l’auien visitada e aufrie ua plan bona acustica entà sénter ara ponenta professionau.
Tanben volem destacar eth papèr dera nòsta tecnica d’eveniments der Ajuntament, Gabriela Calero, que prepausèc aguesta meravelhosa activitat. Des deth consistòri seguiram en tot trabalhar tà aufrir alternatives entà toti.
