Ager se hèc eth prumèr hestau Amics de Montgarri en Santuari d’aguest iconic e espectacular endret de Naut Aran damb ua plan bona participacion de vesins e visitaires.
A prumèra ora dera tarde poguérem gaudir de un talhèr de dances a cargue dera Còlha Santa Maria de Mijaran, entàs 18:00 era corau Quate Sons mos deishec sense paraules damb es sues bères votzes e fin finau, ena net, eth grop Esta (Bearn), amenizèc es darrères ores dera jornada.
Aguesta accion a estat patrocinada per Ajuntament de Naut Aran, organizada peth Refugi Amics de Montgarri, e i an collaborat er Ajuntament de Bossòst , electronica Perailes e era Associacion Amics de Montgarri.
Demoram poder repetir mès endauant aguest polit hestau qu’ajude a difóner era cultura deth territòri