Ua quarantea de mainades e mainatges d’entre 6 e 12 ans participèren dies endarrèr en ua des activitats prepausades per Ajuntament de Naut Aran qu’en aguesta escadença se hèc ena poblacion de Bagergue.
En aguest sens, gràcies a un grop de 4 monitors professionaus dera poblacion de Sort, deth Pallars Jussà, es petiti pogueren apréner es principaus arts e abilitats vinculades ath circ entre es que destacauen er equilibri damb ua espécie de bobina de husta, teles entà hèr acrobàcies e d’auti elements.
Era EMD de @bagergue aufric un vrespalh a tota era mainadèra que s’apropèc entà Naut Aran entà gaudir d’aguesta activitat.
Un des prètzhèts d’aguest consistòri ei eth d’emplegar equipaments publics coma en aguesta situacion era Sala de Hèstes de Bagergue coma un emplaçament entà amiar a tèrme d’autes activitats coma aguesta.
