Er Ajuntament de Naut Aran a amiat a tèrme trabalhs de manteniment e de milhora des installacions dera escòla Ruda de Salardú.
En aguest sens, entre d’autes qüestions, s’a cambiat eth solèr des escales que pugen as aules entà qu’es petiti non se poguen esguitlar; s’an pintat es parets; començat a cambiar eth dessenh des pòrtes deth centre educatiu; renauïr quauqui elements coma armaris autant coma semiar de nau tot eth pati entà aufrir ua excellenta imatge e opcions de jòc.
Era accion a estat supervisada peth baile deth consistòri, César Ruiz-Canela, e era tinent d’alcalde e còsso de cultura, Anna Geli.
Era bona comunicacion entre er AFA, es mèstres e eth consistòri ei fonamentau entà amiar endauant aguest tipe d’actuacions qu’an coma objectiu aufrir ua qualitat educativa milhor entara mainadèra e es mèstres.
