CONVOCATORIA E BASES ESPECIFIQUES REGULADORES ENTARA CONCESSION DE SUBVENCIONS DE LIURA CONCURRÈNCIA DER AJUNTAMENT DE NAUT ARAN ENTAD EXERCICI 2023
Er objècte dera convocacion ei era concession d’ajudes entà subvencionar despenses derivades dera organizacion d’actes e activitats restacades damb er espòrt, musica, cultura, joenessa, servicis sociaus, torisme, hèstes, educacion, cooperacion e de aute, cossent damb eth que dispòse er article 6 dera Ordenança Reguladora des Bases Generaus de Concession de Subvencions der Ajuntament de Naut Aran (Annèx ath BOP num. 184 de29 de deseme de 2007) que s’amiaràn a tèrme en tot durar tot er exercici 2023.
Periòde e forma de presentacion des sollicituds e resolucion dela convocacion:
Eth periòde de presentacion de sollicituds serà dempús deth dia 1 de deseme de 2023 enquiath dia 20 de deseme deth 2023.
Es sollicituds unicaments se poderàn presentar mejançant instància generica a trauès dera sedença electronica dera pagina web d’eth Ajuntament de Naut Aran en següent ligam, e per aqualsevol dobte poderàn contactar damb es burèus municipaus en orari de 8:00a 14:00 ores.