Er Ajuntament de Naut Aran condemne es ‘graffitis’ apareishudi aguesta net enes entorns deth parcatge de Salardú e ena pòrta d’entrada des veïculs e materiau dera nòsta brigada municipau. Aguest acte ei vandalic hèt per ua, o ua sèria de persones que s’a perpetrat ath long d’aguest net pr’amor qu’aguesta pentura non s’a pogut amiar a tèrme en un periòde cuèrt de temps. Per aguest motiu, vos demanam collaboracion a toti vosati, vesins, visitants, amigues e amics des hilats sociaus, entà saber eth responsable d’aguesti hèts e ajuda entà que non se poguen repetir accions similares en futur. Tostemp auem defenut totes es formes d’expression mès damb respècte pes equipaments publics e es entorns deth nòste municipi. Pensam qu’accions coma aguesta enlordissen era imatge que tant trabalham des de Naut Aran per auer es nòsti espacis çò de mès beròis possibles. Per açò, vos tornam a demanar, se vos platz, se mos podetz ajudar a arturar futures accions com aguesta.
Gràcies a totes e a toti. Seguiram trabalhant e lutant peth benèster de toti es vesins e visitants de Naut Aran.
Compartís aguesta publicacion tà ajudar-mos a trapar es autors!
